Sekang kadohan, Kang Tobek agi mlaku dewekan karo manggul tas. Tibane nang ngarep umah, Kaki Blewuk nyeluk Kang Tobek.
Kaki Blewuk : “Bek..Bek….koe gipyak temen ketone koh…arep lunga maring ndi jane???”.
Kang Tobek : “Ana apa yah Wuk???Inyong arep maring Palangkaraya Ki”.
Kaki
Blewuk : “Wak…Wuk….sing sopan sending lah yen nyeluk wong tua. Kaya
bocah ora mambu bangku sekolah babar pisan. Wis ngeneh mampir dipit!!!
Kandani ngeneh!!!”.
Kang
Tobek : “Hehehehe…sepurane Ki… ujarku koh rika keton enom apa yah???
Keton bungah temen raine. Ora kaya biasane. Siki keton jembar lan
seger”.
Kaki
Blewuk : “Biasa baen lah Bek. Anu bar olih rejeki. Wingi sore inyong
bar sekang salone Yu Wijem. Cukur rambut sisan mandi fauna”.
Kang Tobek : “Apa hah???mandi fauna???emange rikane kewan apa???
Kaki Blewuk : “Uuusssssss….koe ngomong aku kewan???
Kang Tobek : “Lah rikane jare bar mandi fauna??? Fauna kuwe mbok dunia satwa artine Ki??? Mandi sauna mbok???
Kaki
Blewuk : “Hehehehe…ilate nyong kesrimped…lah kuwe maksude inyong.
Ngomong-ngomong jane kowe arep ana perlu apa nang Palangkaraya???’.
Kang
Tobek : “Inyong arep melu Konggres PSSI Ki. Sebage pengurus PSSI
Kabupaten Banyumas, wis dadi kewajibane inyong mensukseskan Konggrese
PSSI”.
Kaki Blewuk : “Gemagus temen kowe Bek. Kaya wong penting baen. Lah kowe arep numpak apa maring nganaeh???”.
Kang
Tobek : “Jelang ndos!!! Sebage pengurus daerah, wis dadi wajibe inyong
nurut kebijakane PSSI pusat. Niate arep numpak bis sekang Surabaya
bareng pengurus kana, terus numpak kapal laut sekang Tanjung Perak
tujuan Kalimantan”.
Kaki Blewuk : “Ora maen temen Bek. Dina siki tasih numpak bis karo kapal laut. Tua nang dalan kowe”.
Kang Tobek : “Apa enggane ana sing luwih cepet kang kuwe Ki???”.
Kaki
Blewuk : “Kowe ketinggalan brita. Siki mbok wis ana angkutan motor
mabur!!! Kaeh bandara Wirasana Purbalingga mbukak rute anyar jurusan
Purbalingga – Luar Jawa. Palangkaraya uga nggo transit saurunge meng
kota-kota besar nang luar Jawa”.
Kang
Tobek : “Sing waras baen Ki. Duit sapa nggo plarakan numpaki motor
mabur??? Agi nggo sangu mangkat ben kangelan koh, apa maning nggo
landa-landahan numpaki motor mabur!!! Paling ora ya kudu sedia duwit
patanggatus ewu lah sepisan mlaku???!!!”.
Kaki
Blewuk : “Mangkane kowe tak kandani. Aja mbaor-mbaor dipit!!! Jare
kancane nyong sing dadi supire motor mabur, ongkos Purbalingga –
Palangkaraya mung rongpuluh ewu tok. Mumpung lagi promosi Bek. Mbok
numpak bis dilanjutna numpak kapal laut ngasi satusseket ewu??? Jajal
murah ndi Bek??? Etung-etung karo mandan nggaya sending Bek”.
Kang
Tobek : “Bener kuwe Ki??? Yen regane semono sih inyong gelem baen. Tapi
nyong wedi loh Ki. Soale tembe tau numpak motor mabur. Mbokaneng
ijig-ijig motor mabure mogok nang dalan apa ora gigal nyemplung laut
utawa nibani wong nang ngisor???”.
Kaki
Blewuk : “Wis tenang baen kowe Bek. Usah kwatir. Jaman siki maju. Alate
wis canggih-canggih. Yen mogok ya gari dundangna derek. Hahahaha….”.
Kang
Tobek : “Ya wis Ki. Inyong nrima sarane rika. Inyong arep gawe sejarah
nang anak-putune Mbah Bawuk sing bahwa inyonglah sing nomer siji pernah
numpak motor mabur”.
Kaki Blewuk : “Bagus Wuk. Kowe tak dukung. Yen perlu tak undangna wartawan kon gliput kowe”.
Krungu
omongane Kaki Blewuk, Kang Tobek langsung gipyak karo manggul tas arep
maring Purbalingga numpak motor mabur. “Wis ora nganggo suwe, siki
inyong arep maring Purbalingga numpak motor mabur. Inyong pamit Ki.
Kesuwun banget informasine” ujare Kang Tobek.
Kaki
Blewuk : “Bek…Bek….mengko dipit. Aja kesusu. Kandani dipit ngeneh!!!
Kowe aja klalen tuku plembungan sing biasa nggo dolanan bocah. Kuwe
sarate sing bakalan ditakokna nang kondekture”.
Kang Tobek : “Kecil Ki. Paling siji regane rongatus perak. Tasih luwih duwitku. Oya Ki, jane nggo ngapa plembungane kuwe???”.
Kaki
Blewuk : “Mengko yen kondekture ngomong wis arep gutul Palangkaraya,
pas ketinggian sewu meter, agi-agi kowe damu plembungane. Lah terus kowe
ngampiri kondekture sing njagong sanding lawang mburi motor mabur.
Ngomong maring kondektur inyong wis siap pak kondektur”.
Kang Tobek : “Lah terus pimen Ki”.
Kaki Blewuk : “Kowe langsung mlumpat baen kambi cekelan plembungan. Tak dongakna kowe slamet gutul ngisor”.
Kang Tobek : “Lah…lah…denengka kaya kuwe Ki??? Apa maksude kuweh???
Kaki
Blewuk : “Hahahahaha… kowe modal rongpuluh ewu arep numpak motor mabur
gutul Palangkaraya??? Mandan dinggo sending uteke lah!!!!. Siki numpak
becak sekang alun-alun meng terminal ben mbayare sepuluh ewu, lah kowe
duwit semono arep numpak motor mabur??? Rumawi….rumawi”.
Kang
Tobek : “Woooooooooo….Digilmu!!!! Wis tak emat-emat ngasi serius,
enggane malah mung ngedabrussss!!! Dasar wong tua gemblung!!!”.
Kaki Blewuk : “Hahahahahahaha”.
Sumber : Guyon Banyumasan
" />
" />
