Aja Mbukak Halaman Terakhir

 

Sawijining dina Bagol  mampir  maring  toko  buku sing  wes  bukak  kawit  kuna , nggone  be  remeng  remeng   ,   sing  mampir  ya  wes  jarang banget  , wong  genah  panggonane  wes  ora  mitayani tur  madan medeni . Sing   Dodol  be  wonge  wes  kaki kaki banget  .  Bagol  kuwe  senenge  cerita  horor dadi sing  di  goleti  buku  sing  ceritane  horor  atawa  medeni , trus  nemu   gweh  buku  sing  di  goleti  katon madan apik  mbok  ceritane ,  ora  kesuwen  banjur  Bagol  mereki  bakule  arep  mbayar

Bagol : ”sing  niki  regane  pinten  nggih?”
Bakule : ”sing  kuwe tah  larang  , sangangpuluh  ewu”
Bagol : ”lha  jan  larang  temen yoh  , buku  tipise  kaya  kiye  koh regane  semono  , ulih  kurang  ora?”
Bakule : ”kuwe  buku  wes  langka  akeh sing goleti , nek  wani ya di bayar  nek  ora  ya  balekna  bae nganah”
Bagol : (jere  Bagol neng ati) " jan  duite  pas pasan  thok  maning”.
 Gandeng  wes  di niati  banget  akhire  bukune  di  tuku , bareng  wes  di bayar  Bagol  njur  metu , tembe  tekan  lawang  bagol  di  celuk  karo  kaki kaki bakul  bukune

Bakule : ”Oh  ya  mas  aja  wani  wani  mbukak  halaman  terakhir  ya  ,  mbok  maraih  dadi  nyesel”
 Krungu  kaya  kuwe  Bagol  dadi  mrinding  keweden  tapi  ya  penasaran  .

Wengi  wengi  udane  gede  banget  bledege  nyamber  trus  angine  ya  kenceng  , jendelane  mbukak  nutup mergane  grendele  rusak
Angin  kenceng  sing  mlebu  kamare  Bagol  maraih  gawe  adem  trus  Bagol  dadi  ora  bisa  lali  turune . Trus  buku  cerita  sing  di tuku  mbukak  mbukak  dewek  kenang angin , Bagol  banjur  kemutan  omongane  kaki kaki  bakul  buku , nek  aja  mbukak  halamn  terakhir  mbok  nyesel . Karo  madan keweden  lan  penasaran  alon  alon  Bagol  mbukak  halaman  terakhire . Isi  tulisan  halaman  terakhire  kaya  kiye  :

”KUMPULAN CERITA-CERITA HOROR.. SELESAI… DAPATKAN JUGA KOLAKSI-KOLEKSI CERITA HOROR LAINNYA DI TOKO BUKU KESAYANGAN ANDA, HANYA SEHARGA Rp. 15.000,- ”

Bagol : " @#$#^&*%%&*^&^&%*^^^^%&^*%&^%& !!!!!!!!!!!!!" . Pecucuan  ora  nggenah  ngerti  di lomboni  neng  bakule